‘సోలో బ్రతుకే సో బెటర్’ విడుదల తేదీ ఖరారు

యంగ్ మెగా హీరో సాయి ధరమ్ తేజ్ నటించిన చిత్రం సోలో బ్రతుకే సో బెటర్. ఈ సినిమా షూటింగ్ ఎప్పుడో పూర్తి కావాల్సింది. మే 1న విడుదల అని కూడా అనుకున్నారు. అయితే కరోనా పరిస్థితుల వల్ల ఈ సినిమా షూటింగ్ నిలిచిపోయింది. గత నెలలో ఈ సినిమా షూటింగ్ ను మొదలుపెట్టి కొన్ని రోజులకే పూర్తి చేసేసారు కూడా. సుబ్బు అనే నూతన దర్శకుడు ఈ చిత్రం ద్వారా ఇండస్ట్రీకి పరిచయమవుతున్నాడు. నభ నటేష్ హీరోయిన్ గా నటిస్తోంది. సీనియర్ నిర్మాత బివిఎస్ఎన్ ప్రసాద్ ఈ చిత్రాన్ని నిర్మిస్తున్నాడు. ఎస్ ఎస్ థమన్ సంగీత దర్శకుడు. ఈ సినిమా నుండి ఇప్పటికే మూడు పాటలు విడుదలవ్వగా ఈ మూడు కూడా సూపర్ డూపర్ హిట్ అయ్యాయి. కొన్ని రోజుల కిందట డిసెంబర్ లో సినిమా విడుదల అని ప్రకటించిన సినిమా యూనిట్ ఇప్పుడు డిసెంబర్ 25న విడుదల చేస్తామని అధికారికంగా తెలియజేసారు. సో లాక్ డౌన్ తర్వాత విడుదల కానున్న మేజర్ చిత్రంగా సోలో బ్రతుకే సో బెటర్ నిలవనుంది.