అల వైకుంఠపురం నుండి అమెరికా వరకూ..!

సెన్సేష‌న‌ల్ కాన్సర్ట్స్ ఏర్పాటుచేయ‌డంలో ప్రధమ స్థానంలో ఉన్న హంసిని ఎంట‌ర్‌టైన్‌మెంట్‌ ఈ సంవత్సరం టాలీవుడ్ మ్యూజిక్ సెన్సేష‌న్ త‌మ‌న్ ను ‘అలా అమెరికాపురములో’ పేరుతో ఏర్పాటు చేసిన మ్యూజిక‌ల్ కార్నివాల్ అద్భుతమైన ప్రదర్శన కోసం అమెరికాకు తీసుకువస్తోంది. హంసిని ఎంట‌ర్‌టైన్‌మెంట్ వారు గతంలో స్టార్ మ్యూజిక్ డైరెక్టర్స్ ఏఆర్ రెహమాన్ మరియు అనిరుధ్ రవిచంద‌ర్‌ల‌తో కలిసి అతిపెద్ద మ్యూజిక్ కాన్సర్ట్స్ నిర్వహించారు.

ప్రస్తుతం తమన్ అద్బుత‌మైన ఫామ్‌లో ఉన్నారు. స్టార్స్‌ మరియు సంగీత ప్రియులు ఎక్కువగా త‌మ‌న్ సంగీతాన్నే కోరుకుంటున్నారు. ఆగష్టు మరియు సెప్టెంబర్ నెల‌లో తమన్ యునైటెడ్ స్టేట్స్ లో పర్యటించనున్నారు. వాషింగ్టన్ డి.సి., చికాగో, న్యూజెర్సీ, శాన్ జోస్ మరియు డల్లాస్ లో  ప్రత్యక్ష ప్రదర్శనలు ఇవ్వనున్నారు. తమన్ సంగీత బృందంలో శివమణి, నవీన్, ఆండ్రియా జెరెమియా, శ్రీ కృష్ణ, పృథ్వి చంద్ర, హరిక నారాయణ్, శ్రుతి రంజని, మనీషా, రోషిని, శాండిల్య, జోబిన్ డేవిడ్, సుభాశ్రీ, రాకేశ్ చారి, ఓషో వెంకట్, సిద్ధాంత్‌, ష‌దాబ్ రాయిన్ వంటి ప్రతిభావంతులైన ప్రదర్శనకారులు ఉన్నారు.

ఈ కాన్సర్ట్‌కు టాలీవుడ్ టాప్ డైరెక్టర్ మరియు స్టార్ హీరో ముఖ్య అతిధులు గా హాజరు కానున్నారు. చాలా మంది స్టార్ హీరోయిన్లు, మరియు ఇతర ప్రముఖ ప్రముఖులు తమన్‌తో కలిసి ప్రదర్శనలు ఇవ్వనున్నారు. యునైటెడ్ స్టేట్స్‌లోని  సంగీతాభిమానుల‌కు ది బెస్ట్ మ్యూజిక్ ఎక్స్‌పీరియ‌న్స్  అందించడానికి భారీ స్టేజ్ ప్రొడక్షన్‌తో పాటలు, నృత్యాలు, స్కిట్‌లు మరియు విజువల్ ట్రీట్‌లతో వినోదంతో పూర్తిస్థాయిలో ఉండేలా ఈవెంట్స్ ప్లాన్ చేయబడ్డాయి. రష్యన్, బెలారస్ నృత్యకారులు, ప్రపంచవ్యాప్తంగా ఉన్న ప్రత్యేక కళాకారులు  వారి పెర్‌ఫామెన్స్ ల‌తో ఈ ఈవెంట్ ను ప్ర‌త్యేకంగా చేయ‌నున్నారు.

- Advertisement -

You might also like

You've successfully subscribed to Tollywood Latest News | Celebrities Profiles | Media9 Tollywood
Great! Next, complete checkout to get full access to all premium content.
Welcome back! You've successfully signed in.
Success! Your account is fully activated, you now have access to all content.