‘భలేగుంది బాలా’ అంటున్న శర్వానంద్

14 రీల్స్ ప్లస్ బ్యానర్ పై రామ్ అచంట, గోపి అచంట నిర్మాతలుగా వ్యవహరిస్తూ శర్వానంద్, “గ్యాంగ్ లీడర్” ఫేమ్ ప్రియాంక అరుల్ మోహన్ జంటగా నటిస్తున్న చిత్రం ‘శ్రీకారం’. కిషోర్.బి అనే యువ దర్శకుడు దర్శకత్వం వహిస్తున్నాడు. ఈ చిత్రానికి సంబంధించి ఇటివలే టీజర్ రీలీజ్ అయ్యి ప్రేక్షకుల నుండి విశేష స్పందన సొంతం చేసుకుంది. తాజాగా ఈ చిత్రానికి సంభందిచి ఫోక్ మెలోడీ “భలేగుంది బాలా” సాంగ్ లిరికల్ వీడియోని విడుదల చేశారు. ఈ సాంగ్ కి లిరిక్స్ పెంచల్ దాస్ అందించగా మిక్కి జే మేయర్ సంగీత దర్శకత్వం వహిస్తున్నారు. సంప్రదాయంగా లంగావోణీలో సూట్ కేస్ తీసుకుని వెళ్తున్న  హిరోయిన్ ప్రియాంక మోహన్ ని చూసి హిరో శర్వానంద్ పాట మొదలుపెడతాడు. ఈ వీడియో సోషల్ మీడియా లో విడుదలై ట్రెండింగ్ అవుతూవుంది. ఈ పాటను పెంచల్ దాస్ పాడడం విశేషం. గతంలో పెంచల్ దాస్ రచించి పాడిన పాటలు చాలా పెద్ద హిట్ అయ్యాయి. అలాగే ఈ పాటకి, సినిమాకి విపరీతమైన క్రేజ్ సంపాదించింది. హీరో శర్వానంద్ ఈ పాటను తన ఇన్ స్టా గ్రామ్ ద్వారా  విడుదల చేశారు. శర్వానంద్ ఈ పాట గురించి చెప్తూ ఈ పాట గురించి మీరు ఏం అనుకుంటున్నారో చెప్పండి అంటూ సాంగ్ లింక్  షేర్ చేస్తూ పోస్ట్  పెట్టారు.