రవితేజ సినిమా అప్పుడే సెట్స్ పైకి?

వరుస ఫ్లాపులతో సతమతమవుతున్న రవితేజ కు  ఈ ఏడాది ఆరంభంలోనే అనూహ్యమైన విజయాన్ని అందుకున్నాడు. 'క్రాక్' సినిమా ఆయన కెరియర్లోనే అత్యధిక వసూళ్లను రాబట్టింది.  గోపీచంద్ మలినేని దర్శకత్వంలో తెరకెక్కిన ఈ సినిమాలో శృతి హాసన్ కథానాయికగా నటించగా ఈ ఇద్దరికీ మంచి హిట్ లభించింది. ఆ ఉత్సాహంతోనే ఆయన 'ఖిలాడి'ని సెట్స్ పైకి తీసుకెళ్లాడు.

చాలా వేగంగా ఈ సినిమాను ఆయన ముగింపుదశకి తీసుకెళ్లాడు. అయితే కరోనా కారణంగా ఈ సినిమా షూటింగు ఆగిపోయింది. బ్యాలెన్స్ ఉన్న కాస్త చిత్రీకరణను ఈ నెల చివరికి పూర్తిచేయనున్నారు. రమేశ్ వర్మ దర్శకత్వం వహిస్తున్న ఈ సినిమాలో, మీనాక్షి చౌదరి .. డింపుల్ హయతి కథానాయికలుగా అలరించనున్నారు. ఈ సినిమా షూటింగు పూర్తయిన తరువాత  రవితేజ ఎంత మాత్రం గ్యాప్ తీసుకోవడం లేదట. వచ్చేనెలలో త్రినాథరావు నక్కిన సినిమాను మొదలుపెట్టనున్నట్టు చెబుతున్నారు.

'కిక్' తరహాలో ఈ సినిమా యాక్షన్ తో కూడిన నాన్ స్టాప్ ఎంటర్టైనర్ గా ఉండనుందని అంటున్నారు. ఇక ఈ సినిమాలోను ఆయన సరసన ఇద్దరు కథానాయికలు కనువిందు చేయనున్నారట. ఇక ఈ రెండు సినిమాల మధ్యలో శరత్ మండవ దర్శకత్వంలో రవితేజ ఒక సినిమా చేస్తున్నాడు. దాని ప్రోగ్రెస్ ఎంతవరకూ వచ్చిందనేది తెలియాల్సి ఉంది.

- Advertisement -

You've successfully subscribed to Tollywood Latest News | Celebrities Profiles | Media9 Tollywood
Great! Next, complete checkout to get full access to all premium content.
Welcome back! You've successfully signed in.
Success! Your account is fully activated, you now have access to all content.