రాధే శ్యామ్ రిలీజ్ డేట్ ఖరారు..!!

ప్రభాస్ తాజా చిత్రంగా 'రాధేశ్యామ్' రూపొందింది. రాధాకృష్ణ కుమార్ ఈ సినిమాకి దర్శకుడిగా వ్యవహరించాడు. యూవీ క్రియేషన్స్ వారితో కలిసి కృష్ణంరాజు ఈ సినిమాను నిర్మించారు. ముగ్గురు సంగీత దర్శకులు ఈ సినిమా కోసం పనిచేశారు. ప్రభాస్ సరసన నాయికగా పూజ హెగ్డే నటించిన ఈ సినిమాపై భారీ అంచనాలు ఉన్నాయి.

ఈ ప్రాజెక్టు పట్టాలెక్కి చాలాకాలమే అయింది. అనేక కారణాల వలన షూటింగు ఆలస్యమవుతూ వచ్చింది. ఇటీవలే షూటింగు పార్టును పూర్తిచేసుకున్న ఈ సినిమాను, 'సంక్రాంతి' పండుగ సందర్భాన్ని పురస్కరించుకుని జనవరి 14వ తేదీన విడుదల చేయనున్నట్టు అధికారికంగా ప్రకటించారు. రిలీజ్ డేట్ తో కూడిన పోస్టర్ ను వదిలారు.

ఈ పోస్టర్ లో ప్రభాస్ చాలా స్టైలీష్ గా .. డీసెంట్ గా ఉన్నాడు. విదేశీ నేపథ్యంలో ఈ కథ నడుస్తుంది. పునర్జన్మలతో కూడిన ప్రేమ చుట్టూ తిరుగుతుంది. సంక్రాంతికి పవన్ .. మహేశ్ బాబు .. వెంకటేశ్ సినిమాలు బరిలో ఉన్నాయి. ఇప్పుడు ప్రభాస్ సినిమా కూడా బరిలోకి దిగుతుండటం ఆసక్తిని రేకెత్తించే విషయం.

- Advertisement -

You might also like

You've successfully subscribed to Tollywood Latest News | Celebrities Profiles | Media9 Tollywood
Great! Next, complete checkout to get full access to all premium content.
Welcome back! You've successfully signed in.
Success! Your account is fully activated, you now have access to all content.