స్టైలిష్ స్టార్ అల్లు అర్జున్ కు తెలుగు ఇండస్ట్రీలో ఉన్న ఇమేజ్ గురించి ప్రత్యేకంగా చెప్పాల్సిన అవసరం లేదు. కేవలం తెలుగులోనే కాకుండా ఇతర ఇండస్ట్రీలో కూడా తన మార్కెట్ పెంచుకుంటున్నారు అల్లు అర్జున్. ప్రస్తుతం ఆయన చేస్తున్న పుష్ప సినిమా షూటింగ్ చివరి దశకు చేరుకున్నట్లు సమాచారం. మైత్రి మూవీ మేకర్స్ బ్యానర్ పై క్రియేటివ్ డైరెక్టర్ సుకుమార్ ఈ చిత్రాన్ని తెరకెక్కిస్తున్నారు. ఇక ఈ చిత్రానికి చెందిన పుష్ప ఇంట్రడక్షన్ వీడియో యూ ట్యూబ్ లో సరికొత్త రికార్డులు సృష్టిస్తోంది.
అల్లు అర్జున్ పుట్టిన రోజు సందర్భంగా పుష్ప రాజ్ పాత్రను పరిచయం చేస్తూ విడుదల చేసిన ఈ వీడియోకు అద్భుతమైన స్పందన వస్తోంది. విడుదలైన క్షణం నుంచి రికార్డులను తిరగరాస్తూ ముందుకు దూసుకుపోతుంది. తెలుగు ఇండస్ట్రీ లో అత్యంత వేగంగా 60 మిలియన్ వ్యూస్ మార్క్ అందుకున్న తొలి ఇంట్రడక్షన్ వీడియోగా అల్లు అర్జున్ పుష్ప చరిత్ర సృష్టించింది. 1.4 మిల్లియన్ లైక్స్ తో పాటు లక్షకు పైగా కామెంట్స్ కూడా ఈ వీడియోకు రావడం విశేషం. ఈ వీడియోలో దేవి శ్రీ ప్రసాద్ బ్యాక్ గ్రౌండ్ స్కోర్ కూడా చాలా అద్భుతంగా వర్కవుట్ అయ్యింది.
బబ్లీ బ్యూటీ రష్మిక మందన హీరోయిన్ గా నటిస్తుండగా మలయాళ నటుడు ఫహద్ ఫాజిల్ ఇందులో ప్రతినాయకుడి పాత్రను పోషిస్తున్నారు. ముందుగా ఆ పాత్రకు విజయ్ సేతుపతిని అనుకున్నప్పటికీ కొన్ని కారణాల వల్ల ఆ పాత్ర ఫహద్ కు వెళ్ళింది. ఈ చిత్రాన్ని ఆగస్ట్ లో విడుదల చేయాలని అనుకున్నప్పటికీ చిత్ర బృందంలో కొందరికి కరోన సోకినా కారణంగా షూటింగ్ నిలిపివేసారని వార్తలు వచ్చాయి. ఇటీవలే అల్లు అర్జున్ కి కూడా కరోన సోకినా విషయం తెలిసిందే. ఆయన కోలుకున్న తర్వాత షూటింగ్ తిరిగి ప్రారంభం అయ్యే అవకాశాలున్నాయి సమాచారం. ఇక సినిమాకు సంబందించిన మరిన్ని విశేషాలను త్వరలోనే ప్రేక్షకులకు తెలియజేయనున్నారు చిత్ర యూనిట్.
