టెడ్డితో సావాసం... ఆర్య సాహసం

తమిళంలో విభిన్న సినిమాలని చేసే స్టార్ హీరో ఆర్య ఇంకో కొత్త కాన్సెప్ట్ తో మన ముందుకు రాబోతున్నారు. రియల్ లైఫ్ లో ప్రేమించి పెళ్లి చేసుకున్న ఆర్య, సాయేషా సైగల్ జంట కలిసి నటిస్తున్న సినిమా ‘టెడ్డి’ . ఇప్పటికే విడుదలైన ఈ సినిమా ట్రైలర్ ఆద్యంతం ఉత్కంఠంగా ఉంది. ఇక ఇండియాలో మొదటిసారి ఒక టెడ్డి బేర్ బొమ్మ ప్రధాన పాత్రగా రాబోతున్న ఈ సినిమా నుంచి స్నేహం మీద ఒక మంచి పాట విడుదలయ్యింది. తమిళ రాక్ స్టార్ అనిరుద్ తన గాత్రంతో ఈ పాటకి ప్రాణం పోసాడు. ఇక ఈ వీడియో సాంగ్ లో మనం సినిమాలో ఆర్యకి టెడ్డికి మధ్య ఉన్న అనుబంధాన్ని చూడొచ్చు. నంబియే అనే ఈ బ్యూటీఫుల్ సాంగ్ కి డి. ఇమాన్ సంగీతం అందించారు. టెడ్డి బేర్, ఆర్య  మధ్య స్నేహం చూడటానికి చాలా ముచ్చటగా ఉంది. ఇక డిస్నీ హాట్ స్టార్ మల్టీప్లెక్స్ ఓ.టి.టి లో విడుదల కాబోతున్న ఈ సినిమా మీద ఆర్య అభిమానుల నుంచి సాధారణ ప్రేక్షకుల వరకు మంచి అంచనాలు పెట్టుకున్నారు. మెడికల్ ఇండస్ట్రీలో జరిగే మిస్టరీ ని ఛేదించడానికి ఆర్య, టెడ్డి బేర్ కలిసి చేయబోయే అడ్వెంచరిస్ ని చూడలంటే మార్చి 12 వరకు ఆగాలి