మోస్ట్ హ్యాపెనింగ్ ప్రొడక్ష‌న్ హౌస్ శ్రీ వెంక‌టేశ్వ‌ర సినిమాస్ ఎల్ఎల్‌పి రీసెంట్ టైమ్‌లో నిర్మించ‌బోయే భారీ చిత్రాల‌కు సంబంధించి అనౌన్స్‌మెంట్స్ చేసిన సంగ‌తి తెలిసిందే. ఈ క్ర‌మంలో శుక్ర‌వారం ‘మైఖేల్’ అనే భారీ సినిమా అనౌన్స్‌మెంట్ చేశారు. మ‌రో నిర్మాణ క‌ర‌ణ్ సి ప్రొడ‌క్ష‌న్స్ ఎల్ఎల్‌పితో క‌లిసి ఈ భారీ యాక్ష‌న్ ఎంట‌ర్‌టైన‌ర్‌ను రూపొందించ‌నున్నారు. యంగ్ అండ్ ప్రామిసింగ్ స్టార్ సందీప్ కిషన్ హీరోగా న‌టిస్తోన్న ఈ చిత్రంలో మ‌క్క‌ల్ సెల్వ‌న్ విజ‌య్ సేతుప‌తి స్పెష‌ల్ యాక్ష‌న్ రోల్‌ను చేస్తున్నారు.
కాన్సెప్ట్ బేస్డ్ చిత్రాల‌తో పాటు క‌మ‌ర్షియ‌ల్ చిత్రాల‌ను చేసే హీరో సందీప్ కిషన్, ద‌క్షిణాదిన విల‌క్ష‌ణ‌మైన పాత్ర‌ల‌ను చేసే యాక్ట‌ర్ విజ‌య్ సేతుప‌తి క‌లిసి ఈ సినిమాలో న‌టిస్తుండ‌టం విశేషం. ఇద్ద‌రు వెర్స‌టైల్ యాక్ట‌ర్స్‌ను స్క్రీన్‌పై చూడటం ప్రేక్ష‌కుల‌కు క‌న్నుల పండుగైన విష‌య‌మే. అలాగే ఈ సినిమాలో ప‌లువురు ప్ర‌ముఖ న‌టీన‌టులు ఇత‌ర పాత్ర‌ల్లో న‌టిస్తున్నారు. పాన్ ఇండియా రేంజ్‌లో రూపొంద‌నున్న ఈ చిత్రాన్ని రంజిత్ జెయ‌కోడి తెర‌కెక్కిస్తున్నారు.
తెలుగు, త‌మిళ, క‌న్న‌డ, మ‌ల‌యాళ, హిందీ భాష‌ల్లో సినిమా సిద్ధ‌మ‌వుతుంది. ద‌ర్శ‌కుడు రంజిత్ ఓ డిఫ‌రెంట్ స్క్రిప్ట్‌ను ప్రిపేర్ చేశారు. ఈ సినిమాలో న‌టించ‌బోయే న‌టీన‌టులు, సాంకేతిక నిపుణుల‌కు ఇదొక స్పెష‌ల్ మూవీగా నిలుస్తుంద‌నిపిస్తుంది. భారీ స్కేల్‌లో రూపొంద‌బోయే మైఖేల్ చిత్రాన్ని నారాయ‌ణ్ దాస్ కె.నారంగ్ స‌మ‌ర్ప‌ణ‌లో భ‌ర‌త్ చౌద‌రి, పుస్కూరు రామ్మోహ‌న్ రావు నిర్మిస్తున్నారు. త్వ‌ర‌లోనే ఈ చిత్రంలో న‌టించ‌బోయే ఇత‌ర న‌టీన‌టులు, సాంకేతిక నిపుణుల వివ‌రాల‌ను ప్ర‌క‌టించ‌నున్నారు.
