వకీల్ సాబ్ కి మెగాస్టార్ అభినందన

మూడు సంవత్సరాల తర్వాత పవర్ స్టార్ నుండి వచ్చిన సినిమా ‘వకీల్ సాబ్’. భారి అంచనాల నడుమ ఏప్రిల్ 9న ఈ చిత్రం విడుదలైంది. తొలి షో నుండే హిట్ టాక్ తెచ్చుకుని బ్లాక్ బస్టర్ దిశగా పరుగులు తీస్తోంది. ఈ సినిమా కేవలం అభిమానులకే కాకుండా మిగితా ప్రేక్షకులకూ నచ్చుతోంది. మొదటి రోజే ఈ చిత్రం దాదాపు 25 కోట్ల వరకూ షేర్ ని రాబట్టిందని ట్రేడ్ వర్గాలు అంటున్నాయి. ఇక వీక్ ఎండ్స్ లో జనాలు ఖచ్చితంగా సినిమా చూడటానికి వెళ్తారు కాబట్టి ఈజీగా 100 కోట్ల మార్క్ ని దాటేసే వీలుంది.

సినిమా అవడానికి ‘పింక్’ చిత్ర రీమేక్ అయినప్పటికీ మన ఆడియెన్స్ కోసం చిన్న చిన్న మార్పులు చేసారు. సినిమా మొత్తంలో పవన్ కళ్యాణ్, శృతి హాసన్ ల ఎపిసోడ్ మినహాయిస్తే సినిమా మొత్తం బాగుందని టాక్. ఆ ట్రాక్ అనవసరంగా పెట్టారని కొంతమంది అభిమానులు కూడా వాపోతున్నారు. కోర్ట్ రూమ్ లో పవన్ కళ్యాణ్, ప్రకాష్ రాజ్ ల మధ్య జరిగే వాదోపవాదాలు, మిగితా కమర్షియల్ ఎలిమెంట్స్ అన్ని బాగున్నాయి. ఏది ఏమైనా ఇన్నేళ్ళ దాహాన్ని ఆయన ఒక్క సినిమాతో తీర్చేసుకున్నారు.

ఇక ఈ సినిమాపై మెగాస్టార్ తన స్పందనను తెలియజేసారు. ఫ్యామిలీతో కలిసి సినిమాని చూసిన చిరు, సినిమా చాలా బాగుందని, నటీ నటులందరూ చాలా బాగా చేసారని, నివేథ థామస్, అంజలి, అనన్య పాండేలు తమ పాత్రల్లో ఒదిగిపోయారని, కోర్ట్ రూమ్ లో పవన్, ప్రకాష్ రాజ్ లు ఇద్దరూ యోధుల్ల పోరాడారని, తమన్ మ్యూజిక్, వినోద్ సినిమాటోగ్రఫి అద్భుతంగా ఉన్నాయని, వేణు శ్రీరామ్ కి, బోని కపూర్ కి, దిల్ రాజుకి శుభాకాంక్షలు తెలుపుతూ ట్విటర్ వేదికగా తన అభిప్రాయాన్ని పంచుకున్నారు.