క్రియేటివ్ డైరెక్టర్ కార్తిక్ సుబ్బరాజ్ కు మంచి ఫాలోయింగ్ ఉంది. ఆయన సినిమాలకి విపరీతమైన క్రేజ్ ఏర్పడుతోంది. తమిళ, తెలుగు ప్రేక్షకులు అందరు ఎప్పటినుంచో చాలా ఆసక్తిగా ఎదురుచూస్తున్న తమిళ చిత్రం ‘జగమే తంతిరం’ ట్రైలర్‌ను ప్రముఖ ఓటీటీ సంస్థ నెట్‌ఫ్లిక్స్‌ విడుదల చేసింది. ఇప్పటికే ఈ చిత్రం నుంచి విడుదలైన `రకిట రకిట` పాటకు శ్రోతల నుంచి అత్యద్భుతమైన స్పందన లభించింది. ప్ర‌స్తుతం ఈ ట్రైల‌ర్‌కి కూడా ట్రెమండ‌స్ రెస్పాన్స్ వ‌స్తోంది. కార్తీక్ సుబ్బరాజు దర్శకత్వం వహించిన ‘జగమే తంతిరం’ చిత్రంలో ధనుష్ హీరోగా నటించారు.
ఈ చిత్రంలో తమిళ గ్యాంగ్‌స్టర్‌ పాత్రలో ధనుష్ అదరగొట్టారు. రిలయన్స్‌ ఎంటర్‌టైన్‌మెంట్, వై నాట్‌ స్టూడియోస్‌ నిర్మించిన ‘జగమే తంతిరం’ సినిమా ప్రపంచవ్యాప్తంగా జూన్‌ 18న నెట్‌ఫ్లిక్స్‌లో ప్రసారం కానుంది. ఈ చిత్రం తెలుగులో జగమే తంత్రం పేరుతో విడుదల చేయాలనీ ప్లాన్ చేసారు. అయితే ఇప్పట్లో థియేటర్లు తెరుచుకునే వీలు లేదు కాబట్టి ఓ.టి.టిలో విడుదల చేయనున్నారు. ఇప్పటి వరకూ కార్తీక్ సుబ్బరాజు చేసిన అన్ని చిత్రాలు దేనికవే భిన్నంగా ఉంటాయి.
‘జగమే తంతిరం’ చిత్రంలో ధనుష్, ఐశ్వర్యలక్ష్మీ, జోజు జార్జ్, కలైయారసన్, శరత్‌ రవి, జేమ్స్‌ కాస్మో ప్రధాన పాత్రలు పోషించారు. ‘జగమే తంతిరం’ చిత్రంలో వీరి నటన వీక్షకులకు మంచి వినోదాన్ని పంచుతుంది. ఇక ఈ సినిమాకు సంతోష్‌ శివన్‌ అందించిన సంగీతం మరో ఆకర్షణ అని చెప్పొచ్చు. కథ, కథనాలు, సంగీతం ప్రేక్షకులకు ఆద్యంతం ఆసక్తికరంగా ఉంటాయి. చూపు తిప్పుకోలేని రితీలో ఈ సినిమా వీక్షకులను అలరించ‌నుంది. 208 మిలియన్ వ్యూయర్స్‌ ఉన్న నెట్‌ఫ్లిక్స్‌లో ‘జగమే తంతిరం’ ప్రపంచవ్యాప్తంగా జూన్‌ 18న ప్రసారం కానుంది. తెలుగు, కన్నడ, మలయాళ భాషల్లో కూడా ఈ చిత్రం వీక్షకులకు అందుబాటులో ఉంటుంది.
