ఎస్.ఆర్ కళ్యాణమండపంకి ఫ్యాన్సీ రేట్..?

రాజావారు రాణిగారు చిత్రంతో మంచి గుర్తింపు తెచ్చుకున్న కిర‌ణ్ అబ్బవ‌రం, టాక్సీవాలా ఫేమ్ ప్రియాంక జ‌వాల్కర్ జంట‌గా ఎలైట్ ఎంట‌ర్ టైన్మెంట్స్ ప‌తాకం పై ప్రమోద్ – రాజుల సంయుక్త నిర్మాణంలో, నూత‌న దర్శకుడు శ్రీధ‌ర్ గాదే తెరకెక్కించిన చిత్రం ‘SR క‌ళ్యాణమండంపం’ EST 1975. ఈ సినిమా టైటిల్ ని ఎనౌన్స్ చేసిన ద‌గ్గర నుంచి అన్ని వ‌ర్గాల ప్రేక్షకుల్లో మంచి హైప్ క్రియేట్ అయ్యింది. ఆ ఉత్కంఠ‌ని మ‌రింత పెంచుతూ ఆ త‌రువాత విడుద‌ల చేసిన చుక్కల చున్ని, చూసాలే క‌ళ్లార వంటి పాట‌లు యూట్యూబ్ లో మిల‌య‌న్ వ్యూస్ తో హిట్ లిస్టు లో ఉంటూ సోష‌ల్ మీడియాలో సైతం ట్రెండ్ అవుతున్నాయి.

వీటితో పాటే విడుద‌ల చేసిన టీజ‌ర్ కి సైతం అంతటా అనూహ్య స్పంద‌న ల‌భించ‌డ‌మే కాకుండా, టాలీవుడ్ ట్రేడ్ వ‌ర్గాల్లో SR క‌ళ్యాణమండంపం EST 1975 చిత్రం హాట్ టాపిక్ గా మారడం విశేషం. ఇటీవ‌లే SR క‌ళ్యాణమండంపం EST 1975 చిత్రాన్ని మాత్రం థియేట‌ర్ లో విడుద‌ల చేస్తున్నామంటూ అధికారికంగా ప్రక‌టించ‌డ‌మే కాకుండా అందుకు త‌గ్గట్లుగా నిర్మాత‌లు ప్రమోద్ - రాజులు సన్నాహాలు చేస్తున్నారు. ఈ నేప‌థ్యంలో తాజాగా శంక‌ర్ పిక్చర్స్ వారు ఈ చిత్రానికి సంబంధించిన వ‌ర‌ల్డ్ వైడ్ రైట్స్ ను ఫ్యాన్సీ రేటుకి ద‌క్కించుకున్నారు.

ఇక ఈ చిత్రంలో హీరోగా న‌టించ‌డ‌మే కాకుండా ఈ చిత్రానికి రైటర్ గా కూడా పని చేసారు కిర‌ణ్ అబ్బవ‌రం. విల‌క్షణ న‌టుడు, డైలాగ్ కింగ్ సాయికుమార్ ఈ సినిమాలో కీల‌క పాత్ర పోషిస్తున్నారు. ఆయ‌న పాత్ర ఈ చిత్రానికి ప్రధాన ఆకర్షణ‌గా నిల‌వ‌నుంద‌ని ద‌ర్శకుడు శ్రీధ‌ర్ గాదే తెలిపారు. ఇప్పటి ప‌రిస్థితులు సాధ‌ర‌ణ స్థాయికి వ‌చ్చి, థియేట‌ర్లు ఎప్పుడూ తెరుచుకుంటే అప్పుడు ఈ సినిమా విడుద‌లకి సిద్ధం.